الشعر والخواطر

طوق الحمامة

د.عبد العزيز شلاش العنزي

طوق الحمامة 

قصدة للشاعر الدكتور عبدالعزيز شلاش العنزي 

مجلة رموز الأصالة

طوق الحمامة

 

 

سلام وارقبة الحمامة بها طوق

واللي ما فيها طوق ماهي حمامه.

،

انصت معي يا صاحب الفكر والذوق.

جهزت لك قافً رفيعً مقامه.

،

وعتقت أنا قافي ولا هو بمعتوق.

عليه من نوط العلايم علامه.

،

وقت الغمام الشمس ما تبين بشروق.

لكن تبقى شمس خلف الغمامه.

،

صورة خيال ايجيبها الفكر منطوق.

يشوفها اللي يستمع في كلامه.

،

نعيش في واقع مشاريه وحقوق.

ومن غير هالثنتين ماشي كرامه.

،

إلا بسوق البورصة واسهم السوق

تفرق عن الواقع بنوع الفخامه.

،

أما البدو سمعو رعد وشافو بروق.

بس المطر ما اسقى عروق العدامه.

،

المشكلة صارت مع راعي النوق.

شعيل جاه اهيام مدري علامه.

،

وردوا على هداج والعد مطروق.

وشعيل متنه مستوي مع سنامه.

،

والآدمي مادام حي مرزوق.

وان مات من دنياه مكبه خامه.

،

شطحات شاعر يشطح اشوي ويروق.

وان راق غنى بالحبيب وغرامه.

،

وان قال واويلاه عذبني الشوق.

غنت معه طاروق ورقا الحمامه.

🖋د.عبد العزيز شلاش العنزي

إقرأ للدكتور أيضا :

سلام يا شمر من الكاف للكف

بين جذيمة والزباء سامحوني يا رفقا

 صفحة التاريخ

ومما قال :

عن الكلام الله يحاسبك يالصمت
باح الكنين ولايحاسب الساني

بانت وانا ورب البشر ماتكلمت
لاطرا السان ولاكتبت بناني

نبذة مختصرة عن الشاعر 

  • عمل رئيس لجنةالتدريب بالإتحادالعربي للتدريب بجامعةالدول العربية
  • الأمين العام للمجلس العربي للأدباءوالمثقفين
  • سفير للسلام في العام للمنظمةالدوليةالتنميةوحقوق الإنسان

مقالات ذات صلة

زر الذهاب إلى الأعلى